Overblog Suivre ce blog
Editer l'article Administration Créer mon blog

Ka Sa Yé?

  • : Boul an Karayib-la
  • : Boul an Karayib-la, on blòg asi foutbòl Gwadloup é réjyon Karayib-la.
  • Contact

Wouchach

Archiv

Paj

Kategori

7 mai 2012 1 07 /05 /mai /2012 13:51

http://www.kaieteurnewsonline.com/images/2012/05/Golden-Jags-take-a-team-pic-before-facing-Guadeloupe.jpg

Ankò on fwa ékip nasyonal a Giyana

pwan lèméyè asi sé ti-boug Gwada-la.

On ékip ka paré-y pou éliminatwa a

koup di mond 2014.

 

 

 

1-2 douvan Giyana, sé mak a match-la sé ti-boug Gwada-la fè douvan ékip nasyonal a Giyana. On match nou té poutan byen démaré aprédavwa avan a EDC Zénon té wouvè lamak adan 30èm sègond-la pou lagwadloup. Nou trapé apré dé okazyon sèryé nou pa mété an fon a kan a Giyana. E sé kon sa apré, jé a lagwadloup désann é fè jwè a Giyana woupwan konfyans adan yo. Sa ki rivé, rivé padavwa milyé ofansif a Giyana Cradon égalizé apré i plonjé pou'y fè on bèl tèt (22èm minit). An dézyèm mitan sé on dòt milyé a Giyana Mannings (66èm minit) ki ba ékip a-y gannyé apré on bèl chout do a-y douvan kan-la. Désidéman, Giyana sé on ékip Gwadloup pa ka rivé fouté. Sa ka fè kat fwa nou ka bouwé èvè-yo é sa ka fè twa fwa nou ka pèd. Asi match a vandrèdi, nou pé konsidéré sé ékip Gwadloup ki ba Giyana gannyé. Erèzman sété on match amikal! Pétèt sé jwè lokal a-nou ké bon pou koup DOM-TOM a fwansé mé pou koup Digicel a Karayib-la, nou poko adan sa. E wi, adan ripaj karibéyen-la, asiré pa pétèt, Gwadloup pé ké ni onlo jwè lokal. Sa nòmal piskè yo pa onivo!

 

Apré nouvo défèt-lasa, Gwadloup ka woupèd on plas, i aprézan 96èm nasyon mondyal. Giyana li kant a-y 114èm. On ékip Giyana ki ka paré-y pou éliminatwa a koup di mond 2014 ola i kay fasadé adan gwoup B-la èvè Mèksik, Kòstarika é Salvadò.

 

Match entènasyonal amikal : Gwadloup-Giyana 1-2

                                                      Bi : Zénon (35ès) pou Gwadloup

                                                            Cradon (22èm), Mannings (66èm) pou Giyana.

Ekip-la : Olo - Sennoaj (Fautrai (70èm), Jérôme, Serman, Babel (kap) - Gotin, Gomez, Laurence (Michineau (80èm)), Bacoul (Jean-Charles (84èm) - Lafortune (Grava 56èm), Zénon.

Partager cet article

Repost 0
Published by Shaka Zulu - dans AKTYALITE
commenter cet article

commentaires