Èvè on koufwan kon i ni labitid tiré-y èvè Lamikal, Janlik Lambourde sové ékip an-nou padavwa match té kay fin bita-bita antrè Lagwadloup é Senkis. Sé Grégory Gendrey ki wouvè lamak ba sé ti-boug Gwada apré on bèl travay a Stéphane Auvray an milyé téren-la. Mé malérèzamn ban nou, awbit-la ba Larry Clavier on kawton wouj aprédavwa i té fè on fòt asi on jwè a Senkis. Lagwadloup ki té ka jwé byen jis aprézan, komansé kyoulé é sé kon sa an dézyèm mitan Senkis égalizé asi on pénalti. Erèzman 3 minit avan bout a match-la, Janlik Lambourde sové nou! Dimanch sé ti-boug Gwada-la kay bouwé èvè Pòtoriko ki pèd 3-1 douvan ékip lokal-la Grènad. On viktwa douvan Pòtoriko ka asiré ékip Gwadloup on plas pou faz final-la Matnik an bout a mwa novanm-la.
Koup Digicel a Karayib-la
Dézyèm tou : Gwoup E (An péyi Grènad)
22/10/10 : Gwadloup - Senkis é Névis 2-1
Bi : Gendrey (13èm), Lambourde (87èm) ba Lagwadloup.
Francis (83èm asi pénalti) ba Senkis é Névis.
Ekip-la : Bus - Ictoi, Viator, Lambourde, Babel - Clavier, Auvray(k), Bemba (Fautrai), Hanany (Lacroix) - Gendrey - Valérius (Collet).
22/10/10 : Grènad - Pòtoriko 3-1
Klasman-la
1. Grènad 3 pwen (+2)
2. Gwadloup 3 pwen (+1)
3. Senkis é Névis 0 pwen (-1)
4. Pòtoriko 0 pwen (-2)
Pwochen jouné-la :
24/10/10 : Gwadloup - Pòtoriko (2 PM)
Grènad - Senkis é Névis (4 PM)