DIGICEL CUP 2008: J-2

Aprédèmen mèkrèdi, ékip nasyonal a Karayib-la kay férayé an péyi Jamayik pou yo vwè ki moun kay vin mèt a mannyòk asi réjyon-lasa.

8 ékip adan tounwa-la sa: Jamayik (péyi òganizatè-la), Ayiti (chanpyon an tit-la), Gwadloup, Grènad, Kiba, Bawbad, Trinidad é Tobago, Antig é Bawbouda.

Yo séparé sé ékip-lasa adan 2 gwoup dè 4. Adan Gwoup A-la: Jamayik, Trinidad é Tobago, Grènad, Bawbad.

 Pou Gwoup B-la: Ayiti, Gwadloup, Kiba, Antig é Bawbouda.

FAVORI: Jamayik ki ka jwé a kaz ay, gwan favori pou'y gannyé 4è tit dè chanpyon Karayib-la, ni osi Trinidad é Tobago ki ka èché 11è tit ay. Fò pa nou obliyé Ayiti ki chanpyon an tit-la, i kay jwé pou 3è tit ay.

OUTSIDERS: Kiba poko jen vin chanpyon a Karayib-la alò nou oblijé mété'y adan é nou ni ékip nasyonal an nou Gwadloup ki ka èché on tit dè chanpyon apré 60 LANNE! Pou lé ansyen, Gwadloup té vin PREMYE CHANPYON A KARAYIB-LA adan listwa mwa désanm 1948 a kaz ay. Si moun ni sipèrtisyon, yo ka konstaté kè tounwa-la ka fèt osi an DESANM 2008. Alò nou pé imajiné sé TI-BOUG GWADA-LA ka woutouné an péyi-la èvè koup-la.

SIRPRIZ: Adan tout tounwa foutbòl ki ka fèt asi latè, toujou ni sirpriz. Alò poukwa pa on ékip kon Grènad ki té jistèman sirprann toutmoun an 2è tou kalifikatif-la Zabim. Grènad sé'y ki éliminé Matnik! Grènad sé ékip-lasa ki té gannyé Jamayik an match amikal lanné-lasa. Wi adan sé sirpriz-la nou pé mété Grènad.

                                                                                DEKATMAN A DIGICEL-LA

                                                                                        GWOUP A

03/12/08: Trinidad é Tobago-Grènad (A 5 è dè laprémidi: Kingston)  (*)

                  Jamayik-Bawbad (A 7 è di swè: Kingston)

05/12/08: Trinidad é Tobago-Bawbad (A 1 è dè laprémidi: Trelawny)

                  Jamayik-Grènad (A 3 è dè laprémidi: Trelawny)

07/12/08: Grènad-Bawbad (A 5 è dè laprémidi: Montego Bay)

                  Jamayik-Trinidad é Tobago (A 7è di swè : Montego bay)

                                                                                            GWOUP B

04/12/08: Ayiti-Antig é Bawbouda (A 5 è dè laprémidi: Montego Bay)

                  Kiba-Gwadloup (A 7è di swè: Montego Bay)

06/12/08: Kiba-Antig é Bawbouda (A 1 è dè laprémidi: Trelawny))

                  Ayiti-Gwadloup (A 3 è dè laprémidi : Trelawny)

08/12/08: Gwadloup-Antig é Bawbouda (A 5è dè laprémidi: Montego Bay))

                  Ayiti-Kiba (A 7 è di swè: Montego Bay)

                                                                                            Dèmifinal

11/12/08: 1é gwoup A - 2è gwoup B (A 5 è dè laprémidi : Kingston)

                  1é gwoup B- 2è gwoup A (A 7 è di swè : Kingston)

                                                                                             Match pou 3è plas-la

14/12/08: Kingston a 3è dèlaprémidi

                                                                                              FINAL-LA

14/12/08: Kingston a 6è di swè

(*) Sé lè-la asi lè Jamayik-la, pou zò ni lè Gwadloup, fò zò mété on lè an plis.