Digicel Cup 2008: Ki ékip Gwadloup douvan Kiba?

Gwan jou-la rivé é nou kay vwè si Gwadloup pé jwé on gwan wòl adan Karayib-la. Pou sa fò nou komansé ni on bon rézilta douvan Kiba. Mé èvè ki ékip? Sèlon sa mwen tann,  Roger Salnot té ké jwé an 3-5-2 pou bloké sé milyé ofansif-la a ékip Kiba mé Gwadloup pa ni labitid jwé adan òganizasyon-lasa é toutmoun ka kwè sé plito riské. Alò sòf sirpriz an ka kwè Gwadloup ké jwé kon a labitid ki vlé di an 4-4-2 oben 4-4-1-1.
Mi pwonòstik an mwen.  An kan-la, ké ni Grandel. An défans santral-la, Vertot é Jérôme. Asi koté dwat-la Vanoukia(on jwè ki an konnèt konm aryè latéral mé on jwè dwèt jwé plizyè pòs.). Asi gòch-la, Quistin. An milyé défansif, Auvray (mòso fè-la) é Fleurival. Asi koté, Hanany é Niçoise. Loizeau li kant ay té ké jwè an 9 é dèmi é Antoine-Curier té ké tou sèl douvan. Kèlkanswa òganizasyon-la é jwè misyé Salnot ké mété, fò nou èspéré Gwadloup ké pwan 3 pwen douvan Kiba.


Gwan jou-la rivé ba sé TI-BOUG GWADA-LA.


                                                  Ekip Gwadloup douvan Kiba?

                                                                            Grandel
                                      Vanoukia         Jérôme            Vertot (kap)        Quistin
                                      Hanany            Auvray               Fleurival             Niçoise
                                                                           Loizeau
                                                                         Antoine-Curier