DIGICEL CUP 2008: Gwadloup mal pati.

                                                                          GWOUP B

Yè swa adan èstad Montego Bay Jamayik, ékip nasyonal an nou mal démaré Digicel-la èvè on défèt 2-1 douvan Kiba.
Gwadloup pa té alèz ay adan match-lasa, i pwan onlo tan pou'y té mété machin-la an wout. Adan jé-la, Gwadloup té douvan Kiba mé klé a match-la sé té réyalism a sé kiben-la. E sé pou sa nou pèd match-la. Mé nou poko kondané, nou oblijé gannyé lé dé match ka rété nou, yonn douvan Ayiti é lòt-la douvan Antig. Dé match ki kay rèd toubòlman pou nou. Mé magré sa an ni konfyans adan sé ti-boug Gwada-la. Nou ké pasé!

Jédi 4 désanm Montego Bay :  Kiba-Gwadloup 2-1
                                                    Bi: Fernandez (9è), Linares (74è) pou Kiba.
                                                          Hanany (27è) pou Gwadloup.

Hanany méyè gwadloupéyen-la pa rivé fè
ékip ay gannyé.

Gwadloup: 1 Grandel - 15 Vanoukia, 12 Avinel, 6 Vertot (kap), 18 Quistin- 20 Niçoise, 8 Auvray, 10 Fleurival,                  17 Hanany(14 Gendrey) - 19 Loizeau (7 Nabab) - 11 Antoine-Curier.
Kiba: Chevans- Minoso, Marquez, Clavelo, Fernadez, Dranquet (JO. Colome) - Urgelles, Cervantes, Ja. Colome
                 Duarte (Munos), Linares.



Adan lòt match a gwoup B-la, Ayiti chanpyon an tit-la fè bita bita èvè Antig 1-1.
                                                          Bi: Norde (53è) pou Ayiti.
                                                                Byers (72è) pou Antig é Bawbouda.

                                                                               Klasman-la
                                                                          1. Kiba 3 pwen (+1)
                                                                          2. Ayiti 1 pwen (0)
                                                                          3. Antig é Bawbouda 1 pwen (0)
                                                                          4. Gwadloup 0 pwen (-1)

                                                                                             Pwochen jouné-la
Sanmdi 6 désanm: Trelwany: Kiba-Antig é Bawbouda (A 1è dè laprémidi)
                                                       Ayiti-Gwadloup (A 3è dè laprémidi)