Woulo, nou fè-y!

                                                                        GWOUP B

Yè swa Montego Bay Jamayik, ékip nasyonal an nou Gwadloup gannyé plas ay pou dézyèm Gold Cup ay (yonn dèyè lòt) adan listwa ay. Mé Gwadloup soufè pou'y té rivé. I fè bitabita èvè Antig é Bawbouda (2-2), on ékip nou ni labitid gannyé.Mé fò nou sav kè tou sé ékip-lasa adan Karayib-la ka monté nivo a foutbòl a yo é sitou lè yo ka kontré gwo ékip, yo ka motivé. Nou soufè mé rézilta la, nou kalifyé pou dézyèm Gold Cup an nou.


Lendi 8 désanm : Montego Bay : Gwadloup-Antig é Bawbouda 2-2
                                                     Bi : Antoine-Curier (1è), Gendrey (63è) pou Gwadloup.
                                                           Byers (34è, 83è) pou Antig é Bawbouda.


David Fleurival an blan é sé ti-boug Gwada-la
gannyé plas a yo pou Gold Cup 2009-la.

Gwadloup : 1. Grandel - 2. Lina, 12. Avinel, 6. Vertot (kap), 15. Vanoukia ( 18 Quistin) - 20. Niçoise (19 Loizeau), 8. Auvray, 10. Fleurival, 14. Gendrey - 9 Valérius (7 Nabab), 11 Antoine-Curier.
Antig é Bawbouda : De Castro - Samuel, Roberts, Gonsalves (Harris), Dublin (kap) - Gregory, Williams, Skeeple, Clarke (Gregory) - Byers, A.Thomas (J. Thomas).





Adan lòt match a gwoup B-la, Ayiti gannyé Kiba ki té ja kalifyé 1-0 mé rézilta-la pa ka pèmèt Ayiti kalifyé-y.  Ayiti pèd tit dè chanpyon a nasyon Karayib-la.

Lendi 8 désanm : Montego Bay : Ayiti-Kiba 1-0
                                                      Bi : Boucicault (35è) pou Ayiti.


Ayiti an blé é wouj gannyé Kiba pou ayen.


                                                                                Klasman final a gwoup B-la
                                                                                1. KIBA 6 pwen (+3)
                                                                                2. GWADLOUP 4 pwen (0)
                                                                                3. Ayiti 4 pwen (O)
                                                                                4. Antig é Bawbouda 2 pwen (-3)
* Kiba, Gwadloup ka kalifyé-yo pou sé dèmifinal-la é pou CONCACAF Gold Cup 2009-la.