Mèksik adan on bab osèryé!

Mèksik mal pati adan èkzagonal-la.


Mèksik pèd dézyèm match ay adan éliminatwa a zòn CONCACAF-la pou lakoup di mond 2010 an Afwik di Sid. On match i pèd a ka Ondiras 3 bi a 1. Mèksik ka twouvé-y 4èm dèyè Etazini ki gannyé Trinidad é Tobago 3-0 é Kòstarika ki fouté li kant ay Salvadò 1-0. Pou lè moman Mèksik ka twouvé-y barajis é lè nou sav barajis a zòn CONCACAF-la ké bouwé èvè 5èm a zòn Amérik di Sid-la pou on kalifikasyon an koup di mond, sa ké rèd! Alò Mèksik ni entéré pòté mannèv pou'y pé sav pwan lé twa prèmyé plas pou on kalifikasyon dirèk. Mé magré sa, i ni tan kan menm davwa ké rété 8 match pou yo jwé adan zòn CONCACAF-la.
Mi rézilta a yè:
01/04/09 : Etazini - Trinidad é Tobago 3-0
                  Ondiras - Mèksik 3-1
                  Kòstarika - Salvadò 1-0
                             Klasman-la
1. Etazini  7 pwen (+5)
2. Kòstarika 6 pwen (+1)
3. Ondiras 4 pwen (0)
4. Mèksik  3 pwen (-2)
5. Salvadò 2 pwen (-1)
6. Trinidad é Tobago (*) 2 pwen (-3)
* Nou pé konstaté kè dènyé rèprézantan a Karayib-la ki sé Trinidad é Tobago an difikilté. I pou lèmoman dènyé é an pa ka kwè i ké fè menm lèsplwa-la ki an 2005.
Pwochen jouné-la:
03/06/09 : Kòstarika - Etazini
06/06/09 : Trinidad é Tobago - Kòstarika
                   Salvadò - Mèksik