Tiraj osò a Gold Cup 2009-la fèt jòd-la!

Sé ké Panama, Nikaragwa é Mèksik ba ékip nasyonal an nou. On gwoup ant fit é fant ban nou.  Nou kay jwé prèmyé match an nou douvan Panama an vil San Francisco dimanch 5 juiyé a 2 è laprémidi. (5è dè laprémidi pou nou). Apré nou kay kontré èvè Nikaragwa  an vil Houston jédi 9 juiyé a 7 è di swè (8è di swè pou nou). Pou fini nou kay  férayé èvè on gwo mòso ki sé Mèksik an vil Phoenix dimanch 12 juiyé a 4 è dè laprémidi (6 è dè laprémidi pou nou).
Adan sé lé zòt gwoup-la, chanpyon a Karayib-la, Jamayik kay ouvè bal a konpétisyon-la douvan Kanada an vil Los Angeles a 5 è dè laprémidi. E adan menm gwoup-la, Kòstarika ké férayé èvè Salvadò. Pou mwen sé gwoup ki pli rèd-la! Gwuop ki pli fasil, sé ta péyi Etazini.  Ekip mériken-la kay jwé prèmyé match kont sirpriz a dènyé Digicel Cup-la ki sé Grènad.  Avan sa, nou ké ni on bouwé ant Ondiras é Ayiti.
Final-la kay jwé dimanch 26 juiyé adan Giant Stadium New York
Sé ti-boug Gwada-la konnèt avèsè a yo. Yo ni 3 mwa pou paré-yo pou gwan konpétisyon-lasa.

GWOUP A : Kanada, Kòstarika, Salvadò, Jamayik
GWOUP B : Grènad, Ayiti, Ondiras, Etazini
GWOUP C : Gwadloup, Mèksik, Nikaragwa, Panama

                                                                  Dékatman a konpétisyon-la
                                  
                                                                             1é TOU

                                                                             GWOUP A
03/07/09 : Los Angeles (The Home Depot Center):
                   Kanada - Jamayik ( 5 è dè laprémidi)
                    Kòstarika - Salvadò (7 è di swè)
07/07/09 : Colombus, Ohio (Crew Stadium)
                    Jamayik - Kòstarika (7 è di swè)
                    Salvadò - Kanada (9 è di swè)
10/07/07 : Miami (Florida International University Stadium)
                    Kòstarika - Kanada (7 è di swè)
                    Salvadò - Jamayik (9 è di swè)

                                                                                 GWOUP B
04/07/09 : Seattle (Qwest Field)
                    Ondiras - Ayiti (4 è dè laprémidi)
                    Grènad - Etazini (6 è di swè)
08/07/09 : Washington (RFK Memorial Stadium)
                    Ayiti - Grènad (7 è di swè)
                    Etazini - Ondiras (9 è di swè)
11/07/09 : Boston (Gillette Stadium)
                   Etazini - Ayiti (7 di swè)
                   Ondiras - Grènad (9 è di swè)

                                                                                       GWOUP C
05/07/09 : San Francisco (Oakland-Alameda County Coliseum)
                   Panama - Gwadloup (2 è dè laprémidi)
                   Nikaragwa - Mèksik (4 è dè laprémidi)
09/07/09 : Houston (Reliant Stadium)
                   Gwadloup - Nikaragwa (7 è di swè)
                   Mèksik - Panama (9 è di swè)
12/07/09 : Phoenix (University of Phoenix Stadium)
                   Panama - Nikaragwa (2 è dè laprémidi)
                   Mèksik - Gwadloup (4 dè laprémidi)

                                                                                              KADÈFINAL
18/07/09 : Philadelphia (Lincoln Financial Field)
                    Match A : 1é gwoup A - 2 èm gwoup B (5 è dè laprémidi)
                    Match B : 1 é gwoup B - 3 èm gwoup A oben C (8 è di swè)
19/07/09 : Dallas (Dallas Cowboys New Stadium)
                     Match D : 2 èm gwoup C - 2 èm gwoup A (3 è dè laprémidi)
                     Match C : 1 é gwoup C - 3 èm gwoup A oben B (6 è dè laprémidi)

                                                                                               DÈMIFINAL
23/07/09 : Chicago (Soldier Field)
                    Gannyè match A - Gannyè match B (6 è di swè)
                    Gannyè match C - Gannyè match D (9 è di swè)

                                                                                                  FINAL-LA
26/07/09 : New York (Giants Stadium) (3è dè laprémidi)