E lig chanpyona a CONCACAF-la?

Lanné-lasa kon a labitid, Lig Antiy Foutbòl-la (LAF) ké bay alé. Fasadaj ant klèb Gwadloup é Matnik. Si sé on bèl biten lyannaj-lasa, foutbòl a sé dé péyi-lasa té ké monté pli ho, si yo té kay kontré dòt ékip an réjyon Karayib-la é pli lwen adan CONCACAF-la. Lanné 2009-la, démaré on konpétisyon ki ka sanblé klèb a Karayib-la. Apré konpétisyon-lasa, sé 3 prèmyé-la kay kalifyé-yo pou tou préliminè a lig chanpyona a CONCACAF-la. Lanné pasé sé té on klèb Trindad Joe Public, yonn Jamayik Harbour Viiew é sitou yonn Pòtoriko Puerto Rico Islanders ki rivé jous an dèmifinal.  An sav sa ka mandé lajan mé Lig Foutbòl Gwadloup pa oblijé voyé 4 klèb adan-y mé i pé voyé chanpyon Gwadloup-la adan konpétisyon-lasa. Evolucas té pé fè on bèl biten adan sa.