Kòstarika fè bita-bita èvè Vénézwèla

Kòstarika (wouj,blan,blé), yonn adan sé favori-la pou Gold
Cup-la, fè bita-bita (1-1) èvè Vénézwèla an vil San cristobal.


Kòstarika ki ka paré-y pou pwochen CONCACAF Gold Cup-la ki ké jwé an péyi Etazini (di 3 jous 26 juiyé) fè bita-bita èvè Vénézwèla 1 a 1 adan on match zanmi an vil San Cristobal (Vénézwuèla) yè mèkrèdi. José Manuel Velasquez  maké ba Vénézwèla (25 èm min.) é Kòstarika réponn èvè on bi a Warren Granados (29 èm min.).

Pou Gold Cup-la, Kòstarika ké jwé adan gwoup A-la èvè Salvadò, Jamayik é Kanada.