Mondyal 2010 : Etazini, Kòstarika ka kontinyé asiré, Mèksik woupèd fil ay ankò on fwa!

Sanmdi adan éliminatwa a koup di mon zòn CONCACAF, Mèksik woupèd fil ay ankò fwa aprédavwa i pèd aka Salvadò 2-1. Ki fè, Mèksik ka touvé-y avan-dènyé èvè 9 pwen rèta asi Kòstarika ki prèmyé adan èkzagonal-la. Bon, Mèksik ni on match an mwens pa rapòt a Kòstarika é Etazini mé i an danjé kan menm. I ni entéré pòté mannèv si'y vlé pa gadé koup di mond-la an télé. Kòstarika é Etazini kant a yo, ka kontinyé chimen a yo. Kòstarika gannyé aka Trinidad é Tobago 3 bi a 2 é Etazini gannyé Ondiras 2-1. Trinidad ki dènyé pa ni ayen pou èspéré ankò. Sé enki on mirak ki ké woté pyé ay an vyé soulyé!
                                     
Mèksik (an blan é vè) pèd fil ay                              Etazini asiré douvan Ondiras
douvan Salvadò.

06/06/09 : Salvadò - Mèksik 2-1
                   Trinidad é Tobago - Kòstarika 2-3
                   Etazini - Ondiras 2-1

Klasman-la : 1. Kòstarika 12 pwen, 2. Etazini 10 pwen, 3. Salvadò 5 pwen, 4. Ondiras 4 pwen, 5. Mèksik 3 pwen, 6. Trinidad é Tobago 2 pwen

Pwochen jouné-la :  10/06/09 : Trinidad é Tobago - Mèksik
                                                         Ondiras - Salvadò