Gold Cup 2009 : Kanada é Salvadò byen pati

Yè Gold Cup a laCONCACAF démaré èvè viktwa a Kanada douvan Jamayik 1-0 é ta Salvadò douvan yonn adan sé favori-la Kòstarika 2-1.
Gras a on bi maké pa Ali Gerba (75 èm), Kanada gannyé prèmyé match ay kon i té fè-y an 2007. Salvadò li kant ay dominé pou prèmyé fwa adan listwa a Gold Cup-la Kòstarika 3 bi a 2. Osael Romero maké lé di bi a Salvadò (20 èm é 87 èm). Ki fè pou lè moman i méyè bitè a konpétisyon-la. Warren Granados té égalizé ba Kostarika adan 65 èm minit a match-la. Madi pwochen an vil Columbus, Jamayik kay kontré èvè Kòstarika é Kanada kay fasadé èvè Salvadò.

                                                                                 GWOUP A

03/07/09 : an vil Los Angeles : kanada - Jamayik 1-0
                                                      Bi : Ali Gerba (75 èm) pou Kanada.

Ricardo Fuller é Ricardo Gardner
a Jamayik (an jòn é nwè) pri
adan zatrap a Kanada.


03/07/09 : an vil Los Angeles : Salvadò - Kòstarika 2-1
                                                       Bi : Osael Romero (20 èm , 87 èm) pou Salvadò.
                                                              Warren Granados (65 èm) pou Kòstarika.

Salvadò (an blan) kochi bèk a
Kòstarika, yonn adan sé favori-la.


Klasman-la : 1. Salvadò 3 pwen (+1), 2. Kanada 3 pwen (+1), 3. Kòstarika 0 pwen (-1), 4. Jamayik 0 pwen (-1).

Pwochen jouné-la :
07/0709 : an vil Columbus : Jamayik - Kòstarika (a 7è di swè)
                                                   Kanada - Salvadò (a 9 è di swè)

Klasman a sé bitè-la : 1. Osael Romero (Salvadò) ..........2 bi.
                                         2. Ali Gerba (Kanada) .....................1 bi.
                                         - Warren Granados (Kòstarika).....1 bi.