Gold Cup 2009 : Gwadloup pou asiré kalifikasyon-la

Gwadloup kay bouwé èvè Nikaragwa adan dézyèm jouné a gwoup C a CONCACAF Gold Cup-la adan èstad Houston. On èstad otila Gwadloup té gannyé Ondiras 2-1 adan kadèfinal a Gold Cup 2007-la. Alò nou tout ka èspéré Gwadloup ké konnèt menm listwa-la douvan Nikaragwa. On ékip a Nikaragwa gwadloupéyen dwèt pwan osèryé! Ekip-lasa byen rézisté douvan Mèksik (0-2) dimanch pasé. Mé Gwadloup tini plis talan é èspéryans ki Nikaragwa alò nòmalman nou dwèt gannyé ékip-lasa. On viktwa ki ké asiré nou kalifikasyon-la. An plis nou ka èspéré on nil ant Mèksik é Panama. Kon sa Gwadloup ké asiré fin adan lé dé prèmyé a gwoup C-la padavwa nou pa anvi bouwé èvè Etazini an kadèfinal.

                                                                                  Jédi 9 juiyé

                                                                                   GWOUP C
                                                            (Adan èstad Reliant Stadium an vil Houston)
A 7 è di swè (*)

                                         
    NIKARAGWA                                                    GWADLOUP

(Prèmyé bouwé a yo adan on Gold Cup)

                                      
                                            Konpozisyon a ékip Gwadloup (Pwonòstik an mwen. Nou pa ka chanjé on ékip ka gannyé)

                                                                                 16. Fausta
                     
                                    3. Tacalfred                  5. Viator             4. Avinel             15. Comminges

                                                                                        18. Gamiette

                                                         21. Fleurival                                        8. Auvray

                                    7. Loval                                                                                          10. Capoue

                                                                                 11. Antoine-Curier

A 9 è di swè (*)

                                          
         MÈKSIK                                                              PANAMA

Fasadaj adan Gold Cup-la
2007 : Mèksik - Panama 1-0

(*) Pou zò tini lè Gwadloup, fò zò mèt on lè an plis.