Kòstarika jwenn Kanada, Jamayik ka atann

Yè swa an vil Miami, Kòstarika jwenn Kanada adan sé kadèfinal a CONCACAF Gold Cup-la, aprédavwa i fè bita-bita èvè-y 2-2. Jamayik li kant gannyé Salvadò 1-0. Ki fè sé jamayiken-la twazyèm alè é yo ka atann rézilta a sé lé zòt gwoup-la. Jamayik on ékip nou pé kontré an kadèfinal si Etazini pliché Ayiti, si Panama gannyé Nikaragwa é sitou si nou pa pèd douvan Mèksik. An pa ka manti ba zòt, pisimyé nou bouwé èvè Jamayik ki Kòstarika. Pétèt osi nou pé rivé bouwé èvè Ayiti si'y fè on bon rézilta douvan Etazini jòd-la. Salvadò ki té byen pati adan tounwa-lasa, éliminé kon an 2007.

                                                                          GWOUP A

10/07/09 : an vil Miami : Kanada - Kòstarika 2-2
                                       Bi : Patrice Bernier (25 èm), Marcel De Jong (28 èm) pou Kanada.
                                              Andy Herron (23 èm), Walter Centeno (35 èm) pou Kòstarika.

Kanada (an blan) é Kòstarika
kay tou lé dé an kadèfinal.


10/07/09 : an vil Miami : Jamayik - Salvadò 1-0
                                       Bi : Omar Cummings (70 èm) pou Jamayik.

Jamayik (vè é jòn) a Omar Cummings
é Ricardo Gardner ka atann vwè si yo
 ka pasé prèmyé tou-la.


                                                                     Klasman final a Gwoup A-la

                                                                     1. KANADA 7 pwen (+2)
                                                                     2. KÒSTARIKA 4 pwen (0)
                                                                     3. Jamayik 3 pwen (-1)
                                                                     4. Salvadò 3 pwen (-1)

. Kanada, Kòstarika ka kalifyé-yo pou sé kadèfinal-la.
. Jamayik ka atann rézilta a sé lé zòt gwoup-la.