Ki divini a ékip Gwadloup?

On ékip nou dwèt paré
pou Digicel Cup 2010
é sitou pou Gold Cup 2011.


Aprédavwa nou pwan on plich douvan Kòstarika 5-1 an kadèfinal a CONCACAF Gold Cup-la, fò nou chonjé woumété asi pyé on ékip nasyonal osèryé pou nou konpétitif adan pwochen Digicel Cup-la é natirèlman pou Gold Cup-la si nou kalifyé. Adan ékip-la ki jwé Gold Cup-la, nou pa té ni onlo jwè ki ka woulé an prèmyé divizyon adan klèb éwopéyen. Nou sav pou nou tini bon rézilta kont ékip kon Mèksik, Kòstarika, Etazini, fò nou tini jwè dè nivo prèmyé divizyon. Avan Gold Cup-lasa, onlo klèb éwopéyen sitou klèb fwansé rèfizé lagé jwè gwadloupéyen pou yo pé sav rèprézanté ékip nasyonal a yo adan konpétisyon-lasa. Si nou té ni sé jwè-lasa, Gwadloup asiré pa pétèt té ké an dèmifinal. Konba-la nou ka menné pou Gwadloup rantré laFIFA sé pou sa! Pou nou tini toutlè jwè osèryé. LaFIFA ka enpozé klèb lagé sé jwè-la lè tini match ofisyèl! Sa ki ka manké nou sé sanblé tout bon jwè nou ni, fè yo jwé souvan, fè yo jwé sitou bon enpé match zanmi kont ékip osèryé.

                               Ekip nasyonal Gwadloup pou lanné 2010 - 2011  (Pwonòstik an mwen)

                                                                     -------------------
                                                                         Grandel

                                      Tacalfred             Zubar            Ciani                Comminges

                                                                            Gamiette

                                                    Fleurival                                 Auvray (kap)

                                       Loval                                                                       Capoue

                                                                               Socrier

Ranplasan : Mercury, Congré, Distin, Bemba, Sylvestre, Beauvue, Fanchone.