Ankò on fwa Gwadloup ka échwé an dèmifinal.

Yè swa ékip nasyonal Gwadloup pa rivé kasé bèk a Jamayik. On viktwa a lajamayik ki lojik. Gwadloup pa jen rivé mèt anwout douvan ékip-lasa. Gwadloup kay jwé match pou 3è plas-la dimanch a 4è dè laprémidi douvan Kiba. On ékip Kiba ki pèd fil ay douvan Grènad 6 ti obi a 5 aprédavwa yo té 2-2 an pwolongasyon-la. Grènad kay jwé dézyèm final ay adan listwa apré ta 1989 otila i té pèd douvan Trinidad 2-1. Kant a Jamayik, i kay jwé 6è final ay pou on 4è tit a chanpyon Karayib-la.

                                                               Jédi 11 désanm : Kingston: Dèmifinal:


Ekip nasyonal Grènad ki kay jwé dézyèm final ay adan
on koup a nasyon Karayib-la apré 1989.

Grènad-Kiba 2-2 apré pwolongasyon (6 ti obi a 5)
Bi : Charles (12è), Bain (80è) pou Grènad.
       Colome (15è), Linares (33è) pou Kiba. 

                                                             



Gwadloup pa rivé mèt anwout adan match-lasa



Jamayik-Gwadloup 2-0
Bi : Thompson (11è), Shelton (57è) pou Jamayik.


                                                                                 Dékatman a dimanch 14 désanm  
Match pou 3è plas-la: Kingston: Gwadloup-Kiba (a 3è dè laprémidi)
Final-la : Kingston : Jamayik-Grènad (a 6è di swè)