Tiraj osò a koup UNCAF-la kalifikatif pou Gold Cup-la.

Madi swa fèt Gwatémala, tiraj osò a koup UNCAF (Union Centro America del Fùtbol) ki kay voyé 5 ékip adan pwochen Gold Cup a laCONCACAF. Sé 7 péyi afilyé-la kay fasadé an péyi Ondiras. Pou sa yo séparé yo an 2 gwoup. Gwoup A-la ni péyi òganizatè-la Ondiras, Salvadò, Nikaragwa é Béliz. Adan gwoup B-la, nou ni Kòstarika, Panama é Gwatémala.
Lé dé prèmyé a chak gwoup ka kalifyé-yo pou CONCACAF Gold Cup 2009-la Kanada. 5è kalifyé-la ké fèt ant 3è a gwoup A-la é 3è a gwoup B-la. Lé 5 kalifyé a Lamérik Santral ké jwenn kanada (péyi òganizatè-la), Etazini (tènant dè tit-la), Mèksik, Kiba, Grènad, jamayik é Gwadloup ki ja kalifyé. Koup UNCAF-la ké fèt lanné pwochenn ant lè 22 janvyé é 1é févriyé.

                                            Koup UNCAF Ondiras 2009 (Di 22 janvyé jous 1é févriyé)

                                      GWOUP A                                                                 GWOUP B
                                      Ondiras                                                                     Kòstarika
                                      Salvadò                                                                     Panama
                                      Nikaragwa                                                                Gwatémala
                                      Béliz