150 000 $ ba sala ki gannyé-la!

Ekip-la ki ka gannyé final dimanch ant Jamayik é Grènad, ké pati èvè 150 000$ an paké ay alò kè finalis-la ké touché 70 000$. Pou match dè klasman-la ant Gwadloup é Kiba, sala ki gannyé-la ké touché 50 000$ é sala ki pèd-la, pé ké touché ayen. Match-la douvan Kiba fò pa nou lésé-y pasé davwa 50 000$ sé ké on bon biten pou lig-la. Déja lanné pasé Gwadloup ki poutan té fin 4è té touché on lajan (30 000$) é adan Gold Cup-la pou plas dè dèmifinalis ay, i té touché 75 000$. Sa ki fè 105 000$ pou lanné 2007. On bèl chif ba lig foutbòl Gwadloup. Mé lanné-lasa, biten-la chanjé. 4è a Digicel-la pa ka touché alò si Gwadloup vlé touché dimanch, i ni entéré gannyé Kiba.