GOLD CUP 2009 : èvè ki ékip Gwadloup?

18.12.2008

http://www.lemaroc.org/photos/2dRcmVQihe.jpg

Ki ékip Gwadloup pou Gold Cup-la Kanada?

Aprédavwa ékip nasyonal Gwadloup té soufè pou'y raché dézyèm kalifikasyon ay adan CONCACAF Gold Cup-la, an nou gadé pli lwen é vwè ki ékip Roger Salnot té ké voyé adan gwan konpétisyon-lasa. An sav ni 7 mwa ant sa an ka maké-la é débi a Gold Cup-la davwa onlo biten pé fèt, jwè pé vin blésé...Mé an nou fè-y kan menm.
Adan sé jwè lokal-la an ka vwè 6 jwè senten ki pé fè vwayaj-la. Non a yo, lé dé gòl Marius Fausta (Evolucas), Fabrice Mercury (CS Moulien), an défans kapitèn-la Alain Vertot (Etoile), an milyé-la, Jean-Luc Lambourde (Amical Club MG), Lerry Hanany (Gauloise) é Ludovic Gotin (CS Moulien). Ni osi jwè lokal ki pé gannyé plas a yo. Nou ni sé défansè-la Fabien Jérôme (Evolucas), Meddy lina (Evolucas), Willy Laurence (Etoile).
Nou tout sav alè dèpi 2006, ékip nasyonal Gwadloup ni adan-y jwè lokal é jwè déwò. E konm jwè déwò pli fò alò sé pou sa ékip-la ké ni plis pwofésyonèl ki amatè. E sa nòmal é lojik!
Adan sé jwè déwò-la ki té Jamayik, jwè ki senten vwayajé, sé gòl-la Franck Grandèl (ki san klèb pou lè moman), an défans Cédric Avinel (Watford (Anglètè)) sinyé on lon bay an ékip-la. Nou ni osi Quistin (Hednesford FC (Anglètè)) ki ké vwayajé osi. An milyé sonpon kalté pwoblèm, nou ké ni Stéphane Auvray (FC Vannes (Fwans)) é David Fleurival (Fwans). Douvan ké ni Michaël Antoine-Curier (Dundee FC (Ekòs)) é Loïc Loval (FC Utrecht (Oland)). E adan jwè ki pa té la Jamayik mé ki té adan dézyèm faz-la Zabim, nou ké ni an défans Miguel Comminges (Cardiff City (Péyi dè gal)), an milyé-la Cédric Collet (FC Mons (Bèljik)).
Pou dòt jwè déwò, nou pé rivé ni konm gòl fwè a Lilian Thuram ki sé Yohann ki ka jwé AS Monaco (Fwans)), nou pé rivé ni osi défansè a Stade Reims (Fwans)) Michael Tacalfred, sé milyé-la Aurélien Capoue (FC Nantes (Fwans)), Claudio Beauvue (Troyes (Fwans)) é atakan-la Richard Socrier (Stade Brestois (Fwans)) ki té adan dènyé Gold Cup-la. Roger Salnot pé kriyé osi Léfwè Zubar (Ronald é Stéphane). Ronald Zubar ka jwé Olympique Marseille (Fwans) é fwè ay Stéphane ka woulé SM Caen (Fwans)). Dòt jwé pé vini osi kon James Fanchones atakan a RC Stasbourg (Fwans)) é dòt sirpriz ankò.
Mé ès sa ké sifi pou nou fè menm biten ki an 2007 oben fè myé ankò ki vlé di ay an final é gannyé-y. Sa sé on manman kèsyon. Mwen an ka di sa posib si nou pé sanblé tou sé jwè-lasa, si nou jwé bon enpé match amikal.

                                                               LIST A JWÈ KI PE VWAYAJE KANADA

                                                                          GÒL

                                    - Franck Grandel ( San klèb)
                                    - Yohann Thuram (AS Monaco (Fwans))
                                    - Marius Fausta (Evolucas)
                                    - Fabrice Mercury (CS Moulien)

                                                                                          ARYÈ

                                     - Michaël Tacalfred (Stade Reims (Fwans))
                                     - Thomas Phibel (FC Brussels (Bèljik))
                                     - Meddy Lina (Evolucas)
                                     - Willy Laurence (Etoile)
                                     - Alain Vertot (Etoile)
                                     - Ronald Zubar (Olympique Marseille (Fwans))
                                     - Stéphane Zubar (SM Caen (Fwans))
                                     - Fabien Jérôme (Evolucas)
                                     - Cédric Vanoukia (US Quevilly (Fwans))
                                     - Ludovic Quistin (Hednesford FC (Anglètè))
                                     - Miguel Comminges (Cardiff City (Péyi dè gal))

                                                                                              MILYE

                                     - Stéphane Auvray (FC Vannes (Fwans))
                                     - David Fleurival (RAEC Mons (Bèljik))
                                     - Jean-Luc Lambourde ( Amical Club MG)
                                     - Constant Thérésine (AS Gosier)
                                     - Lerry Hanany (Gauloise)
                                     - Grégory Gendrey (Evolucas)
                                     - Cédric Collet (RAEC Mons (Bèljik))
                                     - Aurélien Capoue (FC Nantes (Fwans))
                                     - Claudio Beauvue (ES Troyes AC (Fwans))
                                     - Michaël Niçoise (Neuchatêl Xamax (Suis))
                                     - Wilfried Loizeau (Excelsior Virton (Bèljik))

                                                                                                 AVAN
                                     - Michaël Antoine-Curier (Dundee FC (Ekòs))
                                     - Richard Socrier (Stade Brestois (Fwans))
                                     - Ludovic Gotin (CS Moulien)
                                     - Loïc Loval (FC Utrecht (Oland))
                                     - Livio Nabab (SM Caen (Fwans))
                                     - James Fanchone (RC Strasbourg (Fwans))
                                     - Vidian Valérius (Moissy (Fwans))
                                     - Fabien Raddas (Stade Lavallois)

* Pou lèmoman lis-la lonji a 34 jwè é fò zò sav sé enki 23 jwè Salnot ké voyé Kanada. Misyé ké anbarasé èvè jwè mé pli ou anbarasé pli sa bon!