Gold Cup 2009 : Pwonòstik an mwen

07.05.2009

Si pon lagrip, si pon lagè pa ka fèt osèryé, adan mwens ki dé mwa, CONCACAF Gold Cup-la ké a lendikatif prézan an péyi Etazini. (Ankò on fwa!). 12 ékip kay fasadé pou èché tit a chanpyon a CONCACAF ki fwa-lasa pé ké kalifikatif pou koup a sé konfédérasyon-la (sé ké ta 2011). Mwen shaka kay ba zòt pwonòstik an mwen. Zò sav, mwenmenm pa jen fò adan sa davwa pwonòstik an mwen toujou ka mové!

http://www.concacaf.com/images/banner_goldcup09_en.jpg

Sé gwoup-la :

Gwoup A                       Gwoup B                   Gwoup C
Kanada                          Etazini                       Mèksik
Jamayik                         Grènad                      Nikaragwa
Salvadò                          Ondiras                     Panama
Kòstarika                        Ayiti                            Gwadloup

                                                    Pwonòstik an mwen

                                                              1é tou

Klasman Gwoup A                          Klasman Gwoup B                                 Klasman Gwoup C
1. KÒSTARIKA                    1. ETAZINI              1. MÈKSIK
2. KANADA                                         2. ONDIRAS                                             2. PANAMA
3. SALVADÒ                                       3. Ayiti                                                        3. GWADLOUP
4. Jamayik                                          4. Grènad                                                  4. Nikaragwa

Adan Gwoup A-la, magré bon enpé pwofésyonèl Jamayik ké chayé, i ké fin dènyé. Kòstarika é Salvadò ki ka jwé èkzagonal-la pou koup di mond-la, ké kalifyé-yo. Alòs kè Kanada ki té dèmifinalis an 2007 ké pwan dézyèm plas-la pou ay an kadèfinal.
Pou Gwoup B-la, Etazini ki sé gwan favori, ké pwan prèmyé plas-la alèz ay. Ondiras ki té pèd douvan nou Gwadloup an 2007, dwèt nòmalman pwan dézyèm plas-la. Dé rèprézantan a Karayib-la, Ayiti (ki pwan plas a Kiba) é Grènad pé ké ay pli lwen ki prèmyé tou-la.
Adan Gwoup C-la, Mèksik, on dòt gwo favori ké pwan prèmyé plas-la. Panama ké dèvansé Gwadloup pou dézyèm plas-la. Nikaragwa ki ké jwé prèmyé Gold Cup ay, pé ké rivé kalifyé-y.

                                                                                   Kadèfinal
A- Kòstarika - Ondiras : KÒSTARIKA
B- Etazini - Gwadloup : ETAZINI
C- Mèksik - Salvadò : MÈKSIK
D- Kanada - Panama : PANAMA
                                                                                   Dèmifinal
Etazini - Kòstarika : ETAZINI
Mèksik - Panama : MÈKSIK
                                                                                      Final-la
Etazini - Mèksik : ETAZINI

Si lojik-la rèspèté, Etazini ké chanpyon-la davwa sa ka fè 4 lanné i ka dominé zòn CONCACAF-la. On final i ké gannyé douvan Mèksik kon an 2007. Kòstarika é Panama ké rivé adan dènyé karé-la alòs nou Gwadloup, nou ké pèd fil an nou an kadèfinal douvan...Etazini.

Sa sé pwonòstik a Shaka! Pou lèmoman, sé enki fiksyon! An ni on rèv mé fò pa mwen maké-y davwa si an maké-y, i ka riské pa fèt.

Si dòt entènòt té pé ban mwen pwonòstik a yo, sa té ké entérésan ban mwen.