Gold Cup 2009 : èvè ki jwè?

11.05.2009

http://tbn3.google.com/images?q=tbn:wmk_e3EimbQUhM:http://www.antilles-foot.com/wp-content/uploads/2007/06/%C3%A9quipe_guadeloupe.jpg

An mwa jen-la, Salnot ké konpozé
lis ay pou Gold Cup-la.

An mwa mas ki pasé-la, sé ti-boug Gwada-la té jwé dé match zanmi an vant a bèt-la. Dé match yo pèd 2-1 douvan on sélèksyon a "Ile de France" é 1-0 douvan SM Caen. Roger Salnot té kriyé pou sé dé match-lasa enki jwè ka woulé an Ewòp. Dè toutléfason, si Gwadloup bizwen fè on bon biten adan konpétisyon-lasa an juiyé, fò'y ni jwè èvè on bon nivo osèryé. Si sété mwen sélèksyonnè-la, asi 23 jwè, 80% adan yo té ké woulé an Ewòp.
Mi lis an mwen pou Gold Cup-la:

                                                                        GÒL
- Franck Grandèl (San klèb)
- Marius Fausta (Evolucas)
- Fabrice Mercury (CSM)
                                                                         ARYÈ
- Michaël Tacalfred (Stade Reims (Fwans))
- Pascal Chimbonda (Tottenham Hotspur (Anglètè))
- Alain Vertot (Etoile)
- Ronald Zubar (Olympique Marseille (Fwans))
- Thomas Phibel (FC Brussels (Bèljik))
- Miguel Comminges (Cardiff City (Péyi dè Gal))
- Ludovic Quistin (Gray Athletic (Anglètè))
                                                                             MILYE
- Stéphane Auvray (FC Vannes (Fwans))
- David Fleurival (RAEC Mons (Bèljik))
- Mathieu Bemba (Ermis Arradipou (Chip))
- Grégory Gendrey (Evolucas)
- Loïc Loval (FC Utrecht (Oland))
- Lerry Hanany (Gauloise)
- Aurélien Capoue (FC Nantes)
- Cédric Collet (RAEC Mons (Bèljik))
                                                                              AVAN
- Ludovic Gotin (CSM)
- Michaël Antoine-Curier (Dundee FC (Ekòs))
- Richard Socrier (Stade Brestois (Fwans))
- Claudio Beauvue (ES Troyes AC (Fwans))
- James Fanchone (RC Strasbourg (Fwans))

Ekip-la ki té ké démaré douvan Panama :

                                                        Grandel

                               Tacalfred    Zubar       Vertot (kap) Comminges

Loval Auvray    Fleurival Capoue

   Gotin    Antoine-Curier

An té ké mèt Grandel gòl davwa menm si'y pa ni klèb (i ka antréné-y sèlman adan RC Strasbourg (Fwans)), sé toujou on gwan jwè. Dayè sété méyè gòl adan dènyé Gold Cup-la ki té fèt an 2007. Aryè dwa, an ka mèt Tacalfred davwa Chimbonda pa konvenk pon moun adan sé dé match zanmi-la ki té fèt an vant a bèt-la. An mitan a défans-la, Ronald Zubar sé on jwè kòsto é rapid é Vertot ké a lendikatif prézan adan tounwa-lasa. A gòch, Comminges pa ka lésé pon moun pasé asi-y kon sa. An milyé défansif-la, jwè a twa poumon-la, Stéphane Auvray é tèknisyen-la David Fleurival ké asiré adan zòn a yo. Loval é Capoue ké sé dé flèch-la an milyé-la. Douvan an té ké mété yonn dé méyè bitè a chanpyona nasyonal Gwadloup, Ludovic Gotin é an té ké mèt owa ay, bitè a Dundee FC (Ekòs), Michaël Antoine-Curier. Sé dé jwè-lasa ka plito antann-yo byen! (Nou té vwè sa an Digicel Cup-la Zabim).

Ant mwa mé é juiyé, ni onlo biten ki pé fèt. Pé ni jwè blésé, sé klèb-la pa oblijé lagé jwè a yo pou konpétisyon-lasa menm si an ka kwè 90% a sé klèb-la ké dakò. E dayè Roger Salnot ké ni dènyé mo-la. Pwonòstik an mwen pa oblijé jwenn lis a misyé Salnot.