Dèmen sé on gwan jou pou Lagwadloup?

Dèmen dimanch, sé ti-boug Gwada-la kay rantré adan biten sèryé. Yo kay wouvè bal a gwoup C-la èvè Panama an vil San Francisco. Panama on ékip fò nou pwan osèryé davwa sé-y ki chanpyon Lamérik Santral-la. An plis di sa, pou dézyèm vini ay adan listwa a Gold Cup-la, i té rivé jous an final! Sé té an 2005. Lanné-lasa, Panama té pèd final-la douvan Etazini (0-0 apwé pwolongasyon é 1 ti obi a 3). Pou lanné 2009-la, Panama  vin èvè gwo ékip ay kon an 2007. Èvè jwè kon Felipe Baloy an défans-la é sitou avan-la Blas Perez ki té fin dézyèm méyè bitè a Gold Cup 2007-la dèyè Carlos Pavon a Ondiras. On viktwa a sé ti-boug Gwada-la douvan Panama té ké on bèl biten pou rèstan a konpétisyon-la.
Adan dézyèm match a gwoup C-la, yonn adan sé favori-la Mèksik, kay bouwé èvè on dòt ékip ww Nikaragwa (ki éliminé Gwatémala an faz éliminatwa-la). Nòmalman sé on match gannyé ba labann a Giovanni Dos santos, Omar Bravo, Carlos Vela é konsò.

                                                                           Dimanch 5 juiyé
                                                                              
                                                                               GWOUP C
                                          Adan èstad Oakland Alameda County Coliseum an vil San Francisco

A 2 è dè laprémidi (*)

                                             (**)
        PANAMA                                                                   GWADLOUP


                                                   Konpozisyon a ékip Gwadloup (pwonòstik an mwen)
                                                                           (An 4-5-1)

                                                                        1. Bus

3. Tacalfred                       4. Avinel                                5. Viator                      15. Comminges

                                                                  18. Gamiette

                                          12. Fleurival                               8. Auvray (kap)
     
7. Loval                                                                                                                     10. Capoue

                                                                         11. Antoine-Curier                               
                              


A 4 è dè laprémidi (*)

                                               
         MÈKSIK                                                                    NIKARAGWA

(*) Pou zò tini lè Gwadloup, fò zò mété 3 è an plis pa rapòt a koté wès a Etazini.

(**) Drapo-la an mété zòt la, zò pé ké vwè-y adan tounwa-lasa davwa politisyen Gwadloup déklaré sé èvè drapo a lòt-la nou dwèt sòti!