Gold Cup 2009 : Etazini é Ondiras réponn prézan

Etazini péyi òganizatè-la, chanpyon an tit-la é gwan favori pou CONCACAF Gold Cup-la, pa fè ni yonn ni dé èvè Grènad adan gwoup B-la. I gannyé-y 4 bi a 0. Pou prèmyé vini ay, Grènad pwan on lèson an vil Seattle jou 4 juiyé ki sé fèt a lendépandans a péyi Etazini. Freddy Adu, Stuart Holden, Robbie Rogers é Charlie Davis (i té jwé osi adan koup a sé konfédérasyon-la) maké ba péyi a Obama. Plis ki janmen fò moun konté asi sé mériken-la pou viktwa final-la.
Ondiras li kant ay pa raté prèmyé match ay douvan Ayiti, i gannyé 1-0 gras a Carlo Costly ki ka jwé an Polòn.

                                                                          GWOUP B
04/07/09 : an vil Seattle : Ondiras - Ayiti 1-0
                                            Bi : Carlo Costly (76 èm) pou Ondiras.

Ayiti (an wouj é blé) pèd prèmyé
match ay douvan Ondiras.


04/07/09 : an vil Seattle : Etazini - Grènad 4-0
                                            Bi : Freddy Adu (7 èm), Stuart Holden (31 èm), Robbie Rogers (60 èm), Charlie Davis (68 èm)
                                                   pou Etazini.

Etazini pliché Grènad pou p
prèmyé match ay.

Klasman-la : 1. Etazini 3 pwen (+4), 2. Ondiras 3 pwen (+1), 3. Ayiti 0 pwen (-1), 4. Grènad 0 pwen (-4).

Pwochen jouné-la :
08/07/09 : an vil Washington : Grènad - Ayiti
                                                      Etazini - Ondiras