Gold Cup 2009 : Gwadloup é Mèksik byen pati

Woulo ba sé ti-boug Gwada-la! Yo pa raté prèmyé match a yo adan gwoup C-la. Yo gannyé Panama 2 bi a 1. Pa obliyé Panama sé-y ki chanpyon Lamérik Santral-la é i té jwé final a Gold Cup 2005-la. On bèl match gannyé ba sé ti-boug Gwada-la. On bèl débi ki ka pwomèt! Sé Loïc Loval é David Fleurival ki fè ékip an nou gannyé kont on bi a Nelson Barahona pou Panama. Mèksik dè koté ay pa kontré pon kalté pwoblèm pou'y té gannyé Nikaragwa 2-0.

                                                                          GWOUP C
05/07/09 : an vil San Francisco : Panama - Gwadloup 1-2
                                                         Bi : Nelson Barahona (68 èm) pou Panama.
                                                                Loïc Loval (33 èm), David Fleurival (43 èm) pou Gwadloup. (*)

Woulo ban nou!
                                               
                                                          Konpozisyon a ékip Gwadloup
                                                                           (an 4-5-1)
                                                  
                                                                               16. Fausta

                           3. Tacalfred             5. Viator                         4. Avinel                15. Comminges
 
                                                                               18. Gamiette
                                                   12. Fleurival                                 8. Auvray
                                              (22. Alphonse (78 èm))
                         7. Loval                                                                                            10. Capoue
                    (6. Vertot (90 èm))
                                                                               11. Antoine-Curier
                                                                              (20. Clavier (67 èm))

An té pwès touvé ékip-la an déwò dè gòl-la. Sé finalman gòl a Evolucas Ti-Bou ki jwé Marius Fausta. I fè on bèl match. Sa ka montré nou ni bon jwè an péyi-la.
Jwè ki pwan on karton jòn : Capoue, Tacalfred é Avinel. Tansyon a zòt mésyé!

05/07/09 : an vil San Francisco : Mèksik - Nikaragwa 2-0
                                                          Bi : Luis Miguel Noriega (45 èm asi pénalti), Pablo  Barrera (86 èm) pou Mèksik.

Mèksik pa pèd fil ay douvan
Nikaragwa.

Klasman-la : 1. Mèksik 3 pwen (+2), 2. Gwadloup 3 pwen (+1), 3. Panama 0 pwen (-1), 4. Nikaragwa 0 pwen (-2).

Pwochen jouné-la :
09/07/09 : an vil Houston : Nikaragwa - Gwadloup
                                                Mèksik - Panama

Klasman a sé bitè-la : 1. Osael Romero (Salvadò)....2 bi, 2. Ali Gerba (Kanada), Warren Granados (Kòstarika), Carlo Costly (Ondiras), Freddy Adu, Stuart Holden, Robbie Rogers, Charlie Davis (Etazini), Loïc Loval, David Fleurival (Gwadloup), Luis Miguel Noriega, Pablo Barrera (Mèksik), Nelson Barahona (Panama)....1 bi.


(*) Zò pé vwè sé bi-la asi www.youtube.com. Gadé sitou bi a Fleurival!