Gold Cup 2009 : on bon rézilta ba Ayiti

Ayiti réyisi fè on bèl lèsplwa douvan Etazini. I fè bita-bita èvè-y 2-2. On match Ayiti manké gannyé davwa sé mérikén-la maké bi égalizatè-la adan 90 èm minit a match-la. Sé vré Etazini té ja kalifyé alò i pa twòp fòsé adan match-la é sitou sé plito sé ranplasan-la ki té ka jwé. Èvè 4 pwen, Ayiti ka atann rézilta a gwoup C-la pou'y sav si'y ka kalifyé-y pou sé kadèfinal-la kon an 2002. Ondiras li kant ay pa konnèt pon pwoblèm douvan Grènad, i pliché-y 4 bi a 0. Ki fè Ondiras ka pwan dézyèm plas a gwoup B-la. An kadèfinal, i ké bouwé èvè Kanada. Sa ka pwomèt on bèl match!

                                                                            GWOUP B

11/07/09 : an vil Boston : Grènad - Ondiras 0-4
                                        Bi : Walter Martinez (2 èm), Roger Espinoza (25 èm), Melvin Valladares (56 èm), Carlo Costly (67 èm)
                                               pou Ondiras.

Jwè a Ondiras ka fété kalifikasyon
a yo douvan Grènad.


11/07/09 : an vil Boston : Etazini - Ayiti 2-2
                                          Bi : Davy Arnaud (6 èm), Stuart Holden (90 èm) pou Etazini.
                                                 Sirin Vanel (46 èm), Mones Chery (49 èm) pou Ayiti.

Sirin Vanel é Ayiti (blé é wouj) fè on
bèl lèsplwa douvan Etazini.


                                                                       Klasman final a gwoup B-la
                                                                     
                                                                         1. ETAZINI 7 pwen (+6)
                                                                         2. ONDIRAS 6 pwen (+3)
                                                                         3. Ayiti 4 pwen (+1)
                                                                         4. Grènad 0 pwen (-10)

. Etazini, Ondiras ka kalifyé-yo pou sé kadèfinal-la.
. Ayiti ka atann rézilta a gwoup C-la.