Sé ti-boug Gwada-la an vant a bèt-la

Stéphane Auvray èvè Nîmes Olympique
fè bita-bita (0-0) èvè Tours FC asi téren ay.

Aprédavwa yo byen rèprézanté ékip nasyonal-la adan Gold Cup-la an péyi mériken-la, sé ti-boug Gwada-la ki ka woulé an vant a bèt-la woutouvé chanpyona a yo. Pou chanpyona Fwans Lig 2, Stéphane Auvray (Nîmes Olympique) jwé é yo ranplasé-y adan 79 èm a match-la. Klèb ay fè 0-0 a kaz a Tours FC. David Fleurival (Châteauroux) jwé tout match-la a kaz a RC Strasbourg. I pwan on karton jòn. Châteauroux gannyé 2-1. Thomas Gamiette té titilè adan klèb ay Stade Reims an divizyon "National". Malérèzman klèb ay pèd asi téren a Hyères 3 bi a 1.