17-0! Sé mak a match-la ki fèt gwan bonnè maten yè an péyi Sendomeng. Ekip lokal-la pliché Zil Vyèj Anglé 17 bi a 0! An ka kwè ékip Zil Vyèj-la pa té ko rékipéré padavwa fò pa nou obliyé sé jwè-la rivé anrèta pas yo té raté avyon a-yo. Alò kè Sendomeng li i a kaz a-y, i pa té bizwen vwayajé. Nou pé konsidéré ékip Zil Vyèj Anglé ja éliminé davwa pou'y pasé fò'y té mèt on pakèt bi douvan Domnik san i pwan on sèl é an menm balan-la, fò Domnik té fouté Sendomeng. Sé enki on bèl mirak ké fè yo kalifyé!
17-0, sé rèkò-la dèpi prèmyé édisyon a Digicel-la an 2004 é an ka mandé mwen si a pa rèkò a on koup Karayib!
Koup Digicel a Karayib-la
Gwoup D : (Santo-Domingo (Sendomeng))
14/10/10 : Sendomeng - Zil Vyèj Anglé 17-0
Klasman-la
1. Sendomeng 3 pwen (+17)
2. Zil Vyèj Anglé 0 pwen (-17)
3. Domnik -----------------------
15/10/10 : Domnik - Zil Vyèj Anglé
17/10/10 : Sendomeng - Domnik