Match préparasyon Gold Cup : Jamayik dominé Panama

Adan match a préparasyon pou CONCACAF Gold Cup-la, Jamayik chanpyon Karayib-la, gannyé chanpyon lamérik santral-la Panama 3 bi a 2 adan èstad nasyonal Kingston (Jamayik). Avan a Panama Blas Perez maké an prèmyé é Jermaine Johnson égalizé avan lamitan ba Jamayik.  An dézyèm mitan Desmond Hodges ba Jamayik menné avan Luis Tejada égalizé ba Panama. An fen a match-la sé yonn dé ranplasan Keammar Daley ki ba Jamayik gannyé. On bèl match gannyé ba Jamayik ki pli ki janmen gwo outsaydè pou Gold Cup-la. Jamayik montré ékip Gwadloup chimen-la. Chonjé Panama ké prèmyé ékip nou ké kontré adan Gold Cup-lasa.

Jamayik (an jòn) dominé
Panama adan on match zanmi
avan Gold Cup-la.

Jamayik ka touvé-y adan gwoup A-la èvè Kanada, Kòstarika é Salvadò. Panama li kant ay ké jwé adan gwoup C-la èvè Gwadloup, Mèksik é Nikaragwa.