Gold Cup 2009 : nou an ka!

Nou an ka! Nou an ka aprédavwa nou gannyé Nikaragwa 2 bi a 0 adan èstad Reliant Stadium an vil Houston. Nou atann dézyèm mitan pou nou gannyé gras a Stéphane Auvray (57 èm) ( ki maké prèmyé bi ay pou 12 èm sélèksyon ay an ékip nasyonal Gwadloup) é gras osi a avan a CSM Ludovic Gotin. Dé bi an dé minit! San nou bat lèstomak an nou, nou pé di sé mak a gwan ékip. Nonsèlman nou asiré kalifikasyon pou sé kadèfinal-la, nou asiré osi fin adan lé dé prèmyé davwa Mèksik pa rivé gannyé Panama, i fè bita-bita èvè-y 1a 1. Ki fè pwésyon-la ké asi zépòl a Mèksik é Panama. Yo ni entéré goumé pou yo pa fin twazyèm pou yo pa bouwé èvè Etazini an kadèfinal. Nou gwadloupéyen, nou pa tini pon pwésyon. Nou pé jous fè moun ki poko jwé adan Gold Cup-la rantré douvan Mèksik.

                                                                             GWOUP C

09/07/09 : an vil Houston : Nikaragwa - Gwadloup 0-2
                                           Bi : Stéphane Auvray (57 èm), Ludovic Gotin (59 èm) pou Gwadloup.

Capoue é sé lé zòt ti-boug Gwada-la
asiré plas a yo pou sé kadèfinal-la

                                                                       Konpozisyon a ékip Gwadloup

                                                                                      16. Fausta

                                                3. Tacalfred           5. Viator            4. Avinel            15. Comminges

                                              22. Alphonse        12. Fleurival       8. Auvray (kap)  10. Capoue
                                          (6. Vertot (71 èm))                                                         (19. Gendrey (77 èm))
                                                                              7. Loval                  9. Gotin
                                                              (18. Gamiette (53 èm)

Jwè ki pwan karton jòn : Tacalfred (2 jòn = 1 wouj). Tacalfred té ja pwan yonn douvan Panama. An ka èspéré i ké ni on match sispansyon tousèl. Antouka i pé ké jwé douvan Mèksik.


09/07/09 : an vil Houston : Mèksik - Panama 1-1
                                          Bi : Miguel Sabah (10 èm) pou Mèksik.
                                                Blas Perez (29 èm) pou Panama.

Panama (an blan) anpéché sé
mèksiken-la gannyé dézyèm match
 a yo.

Klasman-la : 1. GWADLOUP 6 pwen (+3), 2. Mèksik 4 pwen (+2), 3. Panama 1 pwen (-1), 4. Nikaragwa 0 pwen (-4)
. Gwadloup kalifyé-y pou sé kadèfinal-la.

Pwochen jouné-la :
12/07/09 : an vil Phoenix : Nikaragwa - Panama
                                               Mèksik - Gwadloup

Klasman a sé bitè-la : 1. Ali Gerba (Kanada), Osael Romero (Salvadò)....2 bi, 3. Warren Granados, Celso Borges (Kòstarika), Freddy Adu, Stuart Holden, Robbie Rogers, Charlie Davies, Briang Ching, Santino Quaranta (Etazini), Carlo Costly (Ondiras), Fabrice Noël, James Marcellin (Ayiti), Loïc Loval, David Fleurival, Stéphane Auvray, Ludovic Gotin (Gwadloup), Luis Miguel Noriega, Pablo Barrera, Miguel Sebah (Mèksik), Nelson Barahona, Blas Perez (Panama)...1 bi.

Ekip ki ja kalifyé pou sé kadèfinal-la :
- KANADA (Gwoup A)
- ETAZINI (Gwoup B)
- GWADLOUP (Gwoup C)