On bèl gannyé ba Ondiras!

Alò kè foutbòl ayisyen sinistré èvè gwo tranblèmandtè-la i sibi, dòt ékip a CONCACAF-la ka paré-yo pou pwochen koup di mond-la ka vini la. E sé kon sa adan on match zanmi Ondiras gannyé ékip Etazini a kaz a-y 3-1. Aprédavwa aryè mériken-la Jimmy Conrad pwan on karton wouj, Ondiras touvé plis fasilité pou'y maké. Carlos Pavon (18 èm), Jerry Palacios (37 èm) é Roger Espinoza (53 èm) ba ékip a yo on bèl viktwa. Mériken sové lonè èvè on bi a Clarence Goodson ki fè on chaj anlè gòl a Ondiras.
Sonjé pou koup di mond-la, Ondiras ka touvé-y adan gwoup H-la èvè Èspagn, Chili, Suis. Ekip Etazini li kant a-y ka touvé-y adan gwoup C-la èvè Anglètè, Èslovéni, Aljéri.