Jamayik pa rivé kochi bèk a ékip Etazini. I pèd fil a-y douvan-y 2 bi a 0. Magré bèl prèstasyon a-y adan prèmyé tou-la, Jamayik pa rivé konfirmé douvan sé jwè mériken-la. Kifè Gwadloup toujou ka
rété dènyé ékip ki jwé dèmifinal a on Gold Cup, sété an 2007.
GOLD CUP A CONCACAF AN PEYI ETAZINI
Kadèfinal
18/06/07 : East Rutherford :
Ondiras - Kòstarika 1-1 apré pwolongasyon (4 pénalti a 2)
Bi : Bengtson (49èm) pou Ondiras. Marshall (56èm) pou Kòstarika.
Mèksik - Gwatémala 2-1
Bi : Ruiz (5èm) pou Gwatémala. De Nigris (48èm), J. Hernandez (66èm) pou Mèksik.
19/06/07 : Washington
Etazini - Jamayik 2-0
Bi : Jones (49èm), Dempsey (80èm) pou Etazini.
Panama - Salvadò 1-1 apré pwolongasyon (5 pénalti a 3)
Bi : Zelaya (78em asi pénalti) pou Salvadò. Tejada (89èm) pou Panama.
Ekip nasyonal Gwadloup fè méyè match a-y adan Gold Cup-lasa douvan péyi òganizatè-la, Etazini. Nou pèd 0-1 mé nou pa démérité.
Fò kwè gwoup-lasa sété gwoup a lanmò-la padavwa Kanada pèd fil a-y osi. Magré i fè 1-1 èvè Panama, Kanada ka touvé-y éliminé, i ka bout twazyèm méyè twazyèm 4(-1) dèyè Salvadò 4(0) é Gwatémala
4(+2) ki yo kalifyé.
GOLD CUP A CONCACAF AN PEYI ETAZINI
Gwoup C : Kansas City
14/06/11 : Panama - Kanada 1-1
Bi : De Rosario (62èm asi pénalti) pou Kanada. Tejada (90+1èm) pou Panama.
14/06/11 : Etazini - Gwadloup 1-0
Bi : Altidore (9èm) pou Etazini.
Klasman-la
1. PANAMA 7 pwen (+2)
2. ETAZINI 6 pwen
(+2)
3. Kanada 4 pwen (-1)
4. Gwadloup 0 pwen (-3)
* Panama, Etazini ka kalifyé-yo pou sé kadèfinal-la.
On match pou lonè oben on match pou on mirak? Randévou a onzèd'swè lè match-la ké bout. E ankò, avan menm match-la komansé Gwadloup ké éliminé si Panama pa ka gannyé Kanada. Oswè-la sé ti-boug
Gwada-la kay férayé èvè péyi òganizatè a Gold Cup a CONCACAF-la, ékip nasyonal a Etazini ki pèd fil a-y sanmdi douvan Panama (1-2). Mé sé ké èvè ki ékip?
Apré match-la yo pèd la douvan Kanada (0-1) sanmdi é aprédavwa Salvadò é Gwatémala gannyé twazyèm match a-yo, sé ti-boug Gwada ni...0,5% chans pou yo pwan chimen a kadèfinal a Gold Cup a
CONCACAF-la. Salvadò é Gwatémala èvè 4 pwen pou yo chak, douvan Gwadloup menm si'y té gannyé Etazini jòd-la. Pou Lagwadloup pasé, fò'y konté asi on viktwa a Panama douvan Kanada é fò'y gannyé
Etazini èvè plis ki dé bi éka. On misyon pwès enposib!
Sa an pé di ékip nasyonal Gwadloup pasé a koté adan tounwa-lasa. Mèt a mannyòk a foutbòl Gwadloup, ès yo pwan konsyans yo té ni on Gold Cup pou yo paré? An pa'a kwè padavwa a pa èvè on ti-match
an kouyonnad Zabim douvan Fort Lauderdale é a pa lè ou ka komansé sanblé sé jwè-la hui jou avan, ou ké fè on biten sèryé adan konpétisyon-lasa.
Wi nou poko éliminé mé nou plis ka pwan chimen a kaz an-nou ki chimen a kadèfinal.
Adan match a vandrèdi, Jamayik konfirmé bon rézilta a prèmyé match a-y douvan Grènad (4-0), i gannyé Gwatémala 2-0. On ékip Jamayik toujou gannyé an Gold Cup. Ondiras li kant a-y, pliché osèryé
Grènad 7 bi a 1!! Pou lèmoman sé rèkò a Gold Cup-la. Adan gwoup B-la, Jamayik pwan prèmyé plas-la é ja kalifyé pou sé kadèfinal-la.
Pou match a lèlandèmen sanmdi, apré défèt a Lagwadloup douvan Kanada, on gwo manman sirpriz rivé Tampa Bay. Péyi òganizatè-la, Etazini pèp douvan Panama 1-2. On ékip Panama ki èvè dé viktwa ka
kalifyé-y pou sé kadèfinal-la. Sé prèmyé fwa Etazini ka pèd on match dè poul adan on Gold Cup. Tousa apré 26 match! Etazini ké rèvancha douvan nou oswè-la. Désidéman, a pa té lanné an-nou!
Gwoup A-la té ka bout lendi èvè on nouvo viktwa a Mèksik douvan Kòstarika (4-1). Kou-lasa Chicharito pa maké. Rafael Marquez ansyen aryè a FC Barcelone (Espagn) maké prèmyé bi a Mèksik. On ékip
Mèksik ki plis ki janmen favori pou viktwa final-la. Salvadò li kant a-y ka plasé-y pou kalifikasyon-la aprédavwa i krazé Kiba 6-1.
Dènyé jouné a gwoup B-la fèt yè, èvè on twazyèm viktwa a Jamayik. Sé "Reggae Boyz"-la gannyé Ondiras 1-0. Jamayik ka bout prèmyé tou-la prèmyé adan gwoup a-y. Gwatémala pa jwenn pon pwoblèm
douvan Grènad, i gannyé 4-0.
Sa ki bèl sé vwè on pakèt bi ka fèt adan tounwa-lasa. Edisyon a 2011 ka riské bat rèkò a 2007.
GOLD CUP A CONCACAF AN PEYI ETAZINI
Gwoup B : Miami
10/06/11 : Jamayik - Gwatémala 2-0
Bi : Phillips (66èm, 76èm) pou Jamayik.
Ondiras - Grènad 7-1
Bi : Bengston (26èm, 37èm), Costly (28èm, 67èm, 71èm), W.Martinez (88èm), Meija
(90+3èm) pou Ondioras. Murray (20èm) pou Grènad
Kaptèn Auvray é sé ti-boug Gwada-la kondané fè on bèl
rézilta douvan Kanada dèmen.
Aprédavwa sé ti-boug Gwada-la manké rantré a-yo douvan Panama madi pasé (1-2), tout pèp Gwadloup ka atann yo ratrapé-yo douvan Kanada. On ékip Kanada ki li osi pèd prèmyé match a-y douvan péyi
òganizatè-la Etazini (0-2). Malè a sala ka pèd dèmen!
Èstaf tèknik a Lagwadloup dwèt chanjé òganizasyon a ékip-la. On sistenm an 4-3-1-2 kivédi kat aryè, twa dèmi é on jwè dèyè sé dé avan-la. Sèl biten nou ka èspéré, sé èvè fòmil-lasa nou fè menm
rézilta ki an 2007 ola Gwadloup té gannyé Kanada 2 bi a 1. Angloma é Fleurival té maké jou-lasa.
Ekip-la ki pé jwé douvan Kanada.
--------------
1. Grandel
5.
Viator 13. Lambourde 3. S. Zubar 2 . Comminges
12. Gamiette
6. Fleurival 19. Auvray (kap)
10. Racon
21. Socrier 18. Jovial
Yè ékip nasyonal Mèksik vini prèmyé nasyon kalifyé pou sé kadèfinal-la aprédavwa i pliché Kiba 5-0. Adan prèmyé match a-y i té ja gannyé Salvadò èvè menm mak-la. 10 bi an dé match, Mèksik ka
koulé-y dous adan gwoup A-lasa. Pwochen match a-y ké douvan Kòstarika ki pa touvé mwayen gannyé Salvadò. I té oblijé rivé an bout a golèt pou'y té woukolé lalvèsè a-y (1-1). An ka kwè èvè 4 pwen,
Kòstarika a 80% an kadèfinal.
Jòd-la, Jamayik kay éséyé konfirmé bèl prèstasyon a-y i té fè douvan Grènad. I ké bouwé èvè Gwatémala, on ékip i ni labitid gannyé adan Gold Cup-la. Ondiras li pé ké jwenn nòmalman pon pwoblèm
douvan Grènad, on ékip i té ja gannyé 4-0 adan Gold Cup 2009-la.
E dèmen, pa obliyé, Gwadloup kay jwé divini a-y douvan Kanada é apré Etazini ké ay éséyé jwenn Mèksik an kadèfinal douvan Panama.
GOLD CUP A CONCACAF 2011 AN PEYI ETAZINI
Gwoup A : Charlotte
09/06/11 : Kòstarika - Salvadò 1-1
Bi : Zelaya (45èm) pou Salvadò. Brenes (90+5èm) pou Kòstarika.
09/06/11 : Mèksik - Kiba 5-0
J. Hernandez (35èm, 76èm), Dos Santos (63èm, 68èm), De Nigris (65èm) pou Mèkisk.
Klasman-la
1. Mèksik 6 pwen (+10)
2. Kòstarika 4 pwen (+5)
3. Salvadò 1 pwen (-5)
4. Kiba 0 pwen (-10)
* Mèksik ka kalifyé-y pou sé kadèfinal-la. Chicharito méyè bitè a Gold Cup-la pou lèmoman èvè 5 bi.
Koul lowaj adan Gold Cup-la! Yo sispann senk jwè a Mèksik padavwa yo té ké pwan bonbon adan préparasyon a ékip nasyonal a-yo pou konpétisyon-lasa. Adan sé jwè-la, zò ni gòl liméwo yonn-la
Guillermo Ochoa. Ki fè sé senk jwè-lasa pé ké jwé oswè-la douvan Kiba é osi pou tout rèstan a ripaj-la. Mèt a mannyòk a CONCACAF-la ka réfléchi pou vwè si yo pé ké ranplasé sé senk jwè-lasa.
Nòmalman fò yo té sispann ékip Mèksik pou tout rèstan a Gold Cup-la. Mé fò zò sav Mèksik sé ékip ka chayé plis moun adan konpétisyon-lasa. LaCONCACAF sav byen si yo voyé sé mèksiken-la alé, i ké
pèd lajan!
An toujou ka di si on moun senten dè fòs a-y, i pa oblijé ay chèché bonbon pou'y pwan!
Nou pasé a koté match-la kouyaman padavwa sé on match nou pa té dwèt jen pèd douvan Panama. Avan a Le Havre AC (Fwans) sové lonè a péyi Gwadloup mé sa pa té sifi pou nou té raché nil-la. Panama
gannyé finlaman 3-2 é i ka pwan rèvanch a 2009 ola i té pèd 2-1.
Èvè défèt-lasa Lagwadloup oblijé gannyé Kanada sanmdi pwochen. On ékip Kanada ki kon Lagwadloup an pyé a masòn-la padavwa li osi i pèd match a-y douvan sé mériken-la 2-0.
GOLD CUP A CONCACAF 2011 AN PEYI ETAZINI
Gwoup C : Detroit
07/06/11 : Panama - Gwadloup 3-2
Bi : Pérez (29èm), Tejada (31èm), Gomez (57 èm asi pénalti) pou Panama.
Kanmarad, gwan jou-la rivé ola ékip nasyonal Gwadloup kay férayé èvè Panama adan gwoup C-la pou rantré a-y adan Gold Cup a CONCACAF 2011-la. On ékip Panama nou té gannyé 2 bi a 1 adan Gold Cup
2009-la. Loïc Loval é David Fleurival té maké ba Lagwadloup. Dayè jou-lasa Fleurival té maké pli bèl bi a tounwa-la. Nou ka èspéré listwa ké répété-y! Toujou adan gwoup C-la, péyi Etazini kay
démaré tounwa a-y kont Kanada. Sé mériken-la kay éséyé èché senkyèm tit CONCACAF a-yo.
Yè sé gwoup B-la ki fè rantré a-y èvè on démonstrasyon a Jamayik douvan sé vré on ékip Grènad ki té ka parèt mwen byen fèb. Jamayik gannyé 4-0! Adan lòt match a gwoup-la, Gwatémala ki bout
match-la èvè nèf jwè, byen rézisté douvan Ondiras. Ondiras é Gwatémala fè bita-bita 0-0. Dèpi Etazini - Kòstarika an 2005, sé prèmyé fwa on match Gold Cup ka bout èvè on mak a 0-0.
GOLD CUP A CONCACAF 2011 AN PEYI ETAZINI
Gwoup B : Charlotte
06/06/11 : Jamayik - Grènad 4-0
Bi : Shelton (21èm), Johnson (39èm), Phillips (79èm), Daley (89èm) pou Jamayik.
06/06/11 : Ondiras - Gwatémala 0-0
Klasman
1. Jamayik 3 pwen (+4)
2. Gwatémala 1 pwen (0)
- Ondiras 1 pwen (0)
4. Grènad 0 pwen (-4)
Pwochen jouné-la
10/06/11 : Miami : Gwatémala - Jamayik (7PM)
Ondiras - Grènad (9PM)
Gwoup C :
07/06/11 : Detroit : Gwadloup - Panama (6 PM)
Etazini - Kanada (9PM)
Ki ékip Gwadloup douvan Panama?
--------------------
Grandel
Tacalfred Viator Lambourde Comminges
Gamiette
Fleurival Auvray (kap)
Loval
Collet
Socrier
Larry Clavier ki té méyè gwadloupéyen adan koup Digicel a Karayib-la lanné
pasé Matnik, ti-bwen blésé, i pé ké jwé prèmyé match-la. Awbit a Gwadloup - Panama sé ké Trevor Taylor (Bawbad).
Yè dimanch, Gold Cup a CONCACAF-la démaré fò pou dé favori a konpétisyon-la ki sé Mèksik é Kòstarika adan gwoup A-la. An vil Dallas, yo toulédé krazé Salvadò é Kiba 5 bi a 0. Avan a Manchester
United (Anglètè), Javier Hernandez moun ka kriyé osi "Chicharito" maké 3 bi. Ki fè i ja méyè bitè a Gold Cup-la. E wi Mèksik é Kòstarika ka di fò nou konté si yo pou tit-la!
Jòd-la an vil Carson, sé gwoup B-la ka rantré an lis èvè Jamayik-Grènad ki ké rèvanch a dèmifinal a dènyé koup Digicel Karayib-la ki té fèt Matnik désanm pasé. E osi nou ké ni on klasik adan
réjyon lamérik santral-la antrè Ondiras ki té jwé dènyé koup di mond-la é Gwatémala.
Sé ti-boug Gwada annou-la byen rivé an vil Détroit aprédavwa yo fè douzèd'tan vòl. Yo ka rantré an lis douvan Panama adan prèmyé match a gwoup C-la. Lòt match-la, Etazini on dòt favori pou viktwa
final-la kay fasadé èvè Kanada. On ékip Etazini ki pwan on plich a kaz a-y douvan Lèspagn chanpyon di mond 0-4 an match préparasyon.
GOLD CUP A CONCACAF 2011 AN PEYI ETAZINI
Gwoup A : Dallas
05/06/11 : Kòstarika - Kiba 5-0
Bi : Urena (7èm, 46èm), Saborio (41èm), Mora (47èm), Campbell (71èm) pou
Kòstarika.
05/06/11 : Mèksik - Salvadò 5-0
Bi : Juarez (55èm), De Nigris (58èm), J. Hernandez (60èm, 67èm, 90èm+5èm) pou
Mèksik
