Boul an Karayib-la

Darma lésé nou yè mèkrèdi,
i té ni 26 lanné.

 On mové nouvèl rivé an péyi an nou Gwadloup! Foutbalè a "Racing Club" Bastè é a ékip nasyonal Gwadloup Yannick Darmalingon lésé nou yè mèkrèdi a twazèd-maten é kèk an lopital Lapwent. On venn té pété an kabèch a-y,  ki fè i rété adan on koma. E apré 10 jou i pa jen woufè kò a-y. Darma té tini 26 lanné!

Pòs i té ka jwé : Avan

Kayè a-y :
- Gauloise Bastè
- Racing Club Bastè
- AJSS
- Racing Club Bastè

Darma té maké bi-la ki té ba klèb a-y Racing koup a Lagwadloup pa tini lontan douvan Amical Club MG.

5 sélèksyon é 3 bi an ékip nasyonal Gwadloup :
14/11/07 : Giyàn - Gwadloup 2-3 (match zanmi)
21/12/07 : Gwadloup - Giyàn 1-1 (1 bi) (match zanmi)
18/01/08 : Domnik - Gwadloup 0-3 (2 bi) (match zanmi)
06/02/08 : Trinidad é Tobago - Gwadloup 0-0 (match zanmi)
28/02/08 : Gwadloup - Senvensan é Grènadin 1-2 (match zanmi)

Etazini ankò é ankò : Ekip Etazini mèt a mannyòk ankò on fwa adan zòn CONCACAF-la aprédavwa i gannyé gwoup éliminatwa a-y an koup di mond, i pèd an final a koup a sé konfédérasyon-la douvan Brézil alò i té ka menné 2-0 lamitan é sitou dèpi match gannyé a-y an demifinal douvan Lèspagn (2-0). Sa ka fè 3 èm lanné yonn dèyè lòt Etazini prèmyé adan zòn CONCACAF-la (2007, 2008, 2009). Mèksik ki gannyé Gold Cup-la fin dézyèm adan klasman-la. Adan tòp senk-la, nou ka touvé Ondiras ki kay akonpagné Etazini é Mèksik an mondyal-la Lafwik di Sid. Kòstarika ki pèd an baraj pou koup di mond-la douvan Irigwèy 5 èm adan klasman-la. E apré nou ka touvé ékip nasyonal an nou Gwadloup ki rivé an kadèfinal a Gold Cup-la.

Klasman a lanné 2009-la : 1. ETAZINI, 2. Mèksik, 3. Ondiras, 4. Kòstarika, 5. Salvadò, 6. Gwadloup, 7. Kanada, 8. Panama, 9. Trinidad é Tobago, 10. Jamayik, 11. Ayiti, 12. Giyana, 13. Gwatémala, 14. Sirinam, 15. Giyàn, 16. Senkis é Névis, 17. Antiy Olandé, 18. Béliz, 19. Grènad.

(*) Zò pé vwè Matnik pa adan klasman-la davwa i jwé on sèl match adan lanné-la (0-0 douvan Ayiti).

Bilan a Lagwadloup :



                                       05/07/09 : Gwadloup - Panama 2-1 (Gold Cup)
                                       09/07/09 : Gwadloup - Nikaragwa 2-0 (Gold Cup)
                                       12/07/09 : Gwadloup - Mèksik 0-2 (Gold Cup)
                                       19/07/09 : Gwadloup - Kòstarika 1-5 (Gold Cup)


2006 : Gwadloup (8 èm)
2007 : Gwadloup (3 èm)
2008 : Gwadloup (9 èm)
2009 : Gwadloup (6 èm)

(*)
On bèl démaré ba ékip nasyonal an nou.

Ekip nasyonal annou démaré tounwa "Jocelyn Angloma" èvè on match gannyé douvan Antig é Bawbouda. Mé sa pa té on match fasil! Gwadloup touvé pwoblèm pou'y té maké douvan ékip nasyonal Antig. Sété tèknik a Lagwadloup ki té ka fasadé èvè fizik a jwè Antig. Fò di ékip Gwadloup adan katégori-lasa sété prèmyé fwa jwè a-y té ka sanblé, ki fè yo pa tini labitid jwé ansanm, sa ki pa té ka a Antig. Sé dèmi gwadloupéyen-la té ka chèché yo mé érèzman défans-la fè nou plézi sitou èvè Grégoire a S.S. ki jwé on match pwòp! Théophile gòl a Rèdsta fè on bèl match osi. I arèsté on chout danjéré a aryè a Antig Daniel (56 èm). Magré avan annou montré tout pwoblèm yo té ni pou yo maké, finalman sé jwè a SM Caen (Fwans) Zami ki sové Lagwadloup èvè on koufwan asi koté dwat a défans a Antig (68 èm). Pou pwochen match a yo douvan Giyàn, fò avan annou mété plis aplikasyon si yo vlé maké bi!

Gwadloup : Théophile - Lumon, Grégoire, Serman, Vardin - Bartouche (Grava (60 èm)), Houelche (Poumaroux (42 èm)),
                       Gomez (kap), Soubdhan (Cenzano (55 èm)) -  Mérabli, Abenon (Zami (42 èm)).
                       Antrénè : Roger Salnot.

Antig é Bawbouda : James - E. Thomas (Browne (65 èm), Daniel, Deshawn, Lee - Griffith (kap), Samuel, Smith, Ralph-
                                     Martin, Grégory.
                                      Antrénè : Robson Roberts.

Adan dézyèm match a yè, Matnik gannyé Giyàn 2 bi a 1. Abaul (44 èm) é Thimon (51 èm) maké ba Matnik. Sé Horth (41 èm) ki té wouvè èskò-la ba Giyàn.

28/12/09 : an vil Bémaho : Gwadloup - Antig é Bawbouda 1-0
                                                Bi : Zami (68 èm) pou Gwadloup.
                                                Matnik - Giyàn 2-1
                                                Bi : Abaul (44 èm), Thimon (51 èm) pou Matnik. Horth (41 èm) pou Giyàn.
Klasman-la : 1. Matnik 3 pwen (+1), 2. Gwadloup 3 pwen (+1), 3. Giyàn 0 pwen (-1), 4. Antig é Bawbouda 0 pwen (-1).

Pwochen jouné-la :
29/12/09 : an vil Bémaho : Matnik - Antig é Bawbouda (a 6 é dèmi di swè)
                                                Gwadloup - Giyàn ( a 8 è di swè).

(*) Menm si an pa dakò èvè on jounal kon Fwansmanti, an ka woukonnèt an larèl-lasa yo ka fè on travay entérésan!

4 maléré match ékip nasyonal an nou Gwadloup jwé lanné-lasa. Fò di kè mouvman LKP té pasé pa la! Ki fè chanpyona an péyi-la fin ta. E sé pou sa ékip nasyonal-la pa té ni tan pou fè dé otwa match zanmi avan Gold Cup-la. Mé magré sa nou fè on bèl konpòtasyon adan konpétisyon-la davwa nou rivé an kadèfinal. Mi bilan a ékip-la :

05/07/09 : Gwadloup-Panama 2-1 (Gold Cup)
09/07/09 : Gwadloup-Nikaragwa 2-0 (Gold Cup)
12/07/09 : Mèksik-Gwadloup 2-0 (Gold Cup)
19/07/09 : Kòstarika-Gwadloup 5-1 (Gold Cup)

Adan klasman ELO-la, Gwadloup ka fin 91 èm asi 229 ékip, dèyè ékip kon Birkina Faso, Giné, Kowèt é douvan Tahilann, Albani, Bénen.

Linyon foutbòl karayaib-la (CFU) bay dékatman a Digicel Cup-la pou lanné 2010-la.

13 é 14 maws : Tou préliminè-match alé
10 é 11 avril : Tou préliminè-match rètou

21, 23 é 25 juiyé : Match a gwoup A-la

4, 6 é 8 out : Match a gwoup B-la

18, 20 é 22 out : Match a gwoup C-la

1, 3 é 5 sèptanm : Match a gwoup D-la

Di 1é jous o 15 novanm : Faz final a Digicel Cup-la ki dwèt nòmalman fèt an péyi Ayiti.